Conloquia cum antiquis

Ex colloquio Abbatis et Eruditae (Desiderus Erasmus)

An.

Audio.

Ma.

Nonne decorum est, foeminam in Germania natam discere Gallice?

An.

Maxime.

Ma.

Quam ob rem?

An.

Ut loquatur cum his, qui sciunt Gallice.

Ma.

Et mihi putas indecorum, si discam Latine, ut quotidie confabuler cum tot auctoribus, tam facundis, tam eruditis, tam sapientibus, tam fidis consultoribus.

Ex colloquio "Princeps Puer" (Johannes Ludovicus Vives)

Soph.
Nunquamne fando audivisti nominari Platonem, Aristotelem, Ciceronem,Senecam, Livium, Plutarchum?

Phil.

Magna nomina, saepe, et cum ingenti admiratione ac laude.

Soph.

Illi ipsi et alii permulti eorum similes, jam olim vita functi, confabulabuntur tecum, quoties et quamdiu libuerit.

Phil.

Quomodo?

Soph.

Libris, quos ad docendam posteritatem reliquerunt.

Phil.

Quin dantur mihi illi jam in manus?

Soph.

Dabuntur brevi, posteaquam didiceris eum sermonem, quo possis loquentes illos intelligere. Sustine paulisper, atque hanc brevem molestiam perfer, quae devoranda est in accipiendis principiis; illico post incredibiles sequentur delectationes, quas qui nondum degustarunt, mirandum non est a litterato studio abhorrere: nam qui sunt experti, eos citius a vita quam a libris et rebus cognoscendis avelleris.

Epistola a Vettori (Machiavelli)

Venuta la sera, mi ritorno a casa ed entro nel mio scrittoio; e in sull'uscio mi spoglio quella veste cotidiana, piena di fango e di loto, e mi metto panni reali e curiali; e rivestito condecentemente, entro nelle antique corti delli antiqui huomini, dove, da loro ricevuto amorevolmente,mi pasco di quel cibo che solum è mio e ch’io nacqui per lui; dove io non mi vergogno parlare con loro e domandarli della ragione delle loro azioni; e quelli per loro humanità mi rispondono; e non sento per quattro hore di tempo alcuna noia, sdimentico ogni affanno, non temo la povertà, non mi sbigottisce la morte: tutto mi transferisco in loro.